పెళ్లైన తర్వాత ప్రతి మహిళకు తల్లి కావాలని ఒక అందమైన కల ఉంటుంది. కానీ ప్రస్తుతం మారుతున్న జీవనశైలి, ఒత్తిడి, ఆహారపు అలవాట్లు మరియు హార్మోన్ల సమస్యల కారణంగా చాలామంది దంపతులు సంతానం కలగక ఇబ్బందులు ఎదుర్కొంటున్నారు.
ప్రపంచవ్యాప్తంగా కోట్లాది దంపతులు ఈ సమస్యతో బాధపడుతున్నారు. భారతదేశంలో కూడా ఈ సమస్య రోజు రోజుకీ పెరుగుతోంది. అయితే సరైన సమయంలో జాగ్రత్తలు తీసుకుంటే మరియు నిపుణుల సలహా పొందితే చాలా సందర్భాల్లో ఈ సమస్యకు పరిష్కారం ఉంటుంది.
ఒక సంవత్సరం పాటు సహజంగా గర్భం దాల్చేందుకు ప్రయత్నించినా గర్భం రాకపోతే దాన్ని సంతానలేమి (Infertility) అంటారు.
35 ఏళ్లు పైబడిన మహిళలు ఆరు నెలల పాటు ప్రయత్నించిన తర్వాత కూడా గర్భం రాకపోతే వెంటనే నిపుణ డాక్టర్ను సంప్రదించడం మంచిది.
సంతానలేమి సమస్యలో కొన్ని లక్షణాలు ముందుగానే కనిపించవచ్చు. ఈ లక్షణాలను నిర్లక్ష్యం చేయకుండా సమయానికి డాక్టర్ను సంప్రదించడం మంచిది.
సంతానసాఫల్యతలో ఆహారం చాలా ముఖ్యమైన పాత్ర పోషిస్తుంది. శరీరానికి సరైన పోషకాలు అందకపోతే హార్మోన్లపై ప్రభావం పడుతుంది.
పండ్లు, ఆకుకూరలు, గింజలు, తృణధాన్యాలు మరియు ప్రోటీన్ ఎక్కువగా ఉండే ఆహారం తీసుకోవడం వల్ల శరీరానికి అవసరమైన పోషకాలు అందుతాయి. ఇవి గర్భధారణ అవకాశాలను మెరుగుపరచడంలో సహాయపడవచ్చు.
ఉదయం అల్పాహారం తప్పకుండా తీసుకోవాలి. అలాగే ఫాస్ట్ ఫుడ్, చిప్స్, బేకరీ పదార్థాలు మరియు అధిక నూనెతో తయారయ్యే ఆహారాలను తగ్గించడం మంచిది.
అధిక బరువు లేదా చాలా తక్కువ బరువు రెండూ కూడా గర్భధారణ అవకాశాలను ప్రభావితం చేస్తాయి. రోజూ వ్యాయామం చేయడం, సరిపడా నిద్రపోవడం మరియు నీరు ఎక్కువగా తాగడం ఆరోగ్యానికి మంచిది.
ధూమపానం మరియు మద్యపానం మహిళలు మరియు పురుషుల సంతానసాఫల్యతపై ప్రతికూల ప్రభావం చూపుతాయి. సిగరెట్ తాగడం వల్లమహిళల ఫెర్టిలిటీ కణాలు మరియు వీర్యకణాల నాణ్యత తగ్గే అవకాశం ఉంటుంది.
మద్యపానం కూడా హార్మోన్లపై ప్రభావం చూపుతుంది. గర్భధారణ కోసం ప్రయత్నిస్తున్న దంపతులు ఈ అలవాట్లకు పూర్తిగా దూరంగా ఉండడం మంచిది.
అలాగే రాత్రిళ్లు ఆలస్యంగా నిద్రపోవడం, మానసిక ఒత్తిడి మరియు శారీరక శ్రమ లేకుండా ఉండడం కూడా ఆరోగ్యంపై ప్రభావం చూపుతాయి.
యోగా, ధ్యానం మరియు కుటుంబంతో సమయం గడపడం వల్ల ఒత్తిడి తగ్గి మానసిక ప్రశాంతత లభిస్తుంది.
సంతానం ఆలస్యమవుతున్నా కూడా చాలామంది డాక్టర్ను సంప్రదించడానికి భయపడుతుంటారు. కానీ సమస్యను ముందుగానే గుర్తిస్తే చికిత్స సులభంగా ఉండే అవకాశం ఉంటుంది.
ప్రస్తుతం సంతానలేమి సమస్యకు అనేక పరీక్షలు మరియు ఆధునిక చికిత్సలు అందుబాటులో ఉన్నాయి. HSG పరీక్ష ద్వారా గర్భాశయం మరియు గర్భధారణకు సహాయపడే ట్యూబ్స్ సరిగా ఉన్నాయా లేదా అనే విషయం తెలుసుకుంటారు.
హార్మోన్ పరీక్షలు మరియు స్కానింగ్ ద్వారా సమస్యకు కారణాన్ని గుర్తిస్తారు. కొన్ని సందర్భాల్లో మందులు, లాపరోస్కోపీ లేదా IVF వంటి చికిత్సలు అవసరం కావచ్చు.
ఒక సంవత్సరం పాటు ట్రై చేసినా పిల్లలు పుట్టకపోతే.
నెలసరి (డేట్స్) కరెక్ట్గా రాకపోతే.
PCOD/PCOS (నీటి బుడగలు) సమస్య ఉంటే.
బాగా లావుగా ఉన్నా, లేదా థైరాయిడ్ సమస్య ఉన్నా.
కడుపు వచ్చి తరచుగా పోతుంటే (గర్భస్రావం).
వయసు 35 ఏళ్లు దాటితే.
లేదు. ఈ సమస్య మహిళల్లో మాత్రమే కాదు, పురుషుల్లో కూడా ఉండవచ్చు. అందుకే ఇద్దరూ పరీక్షలు చేయించుకోవాలి.
అవును. అధిక మానసిక ఒత్తిడి హార్మోన్లపై ప్రభావం చూపి గర్భధారణ అవకాశాలను తగ్గించవచ్చు.
సరైన చికిత్స మరియు జీవనశైలి మార్పులు పాటిస్తే చాలా మంది మహిళలు సహజంగా గర్భం దాల్చే అవకాశం ఉంటుంది.
అందరికీ IVF అవసరం ఉండదు. సమస్యను బట్టి డాక్టర్ సరైన చికిత్స సూచిస్తారు.
ముగింపు
సంతానం కలగకపోవడం అనేది ప్రస్తుతం చాలా సాధారణ సమస్య. కానీ ఈ సమస్యకు భయపడాల్సిన అవసరం లేదు. ఆరోగ్యకరమైన ఆహారం, మంచి జీవనశైలి మరియు సమయానికి వైద్య సహాయం తీసుకోవడం ద్వారా చాలామంది దంపతులు తల్లిదండ్రులు అవుతున్నారు.
మీకు సంతానలేమి సంబంధిత ఏవైనా సమస్యలు లేదా సందేహాలు ఉంటే ఆలస్యం చేయకుండా నిపుణులను సంప్రదించడం మంచిది.
Gynecologist & Infertility Specialist. MBBS, MS (OBG)
Suraksha Multi-Speciality Hospital is committed to providing advanced, compassionate, and patient-centered healthcare. With expert doctors and modern facilities, we ensure quality treatment for all.
Expert care with advanced technology for patient-focused treatment.
