గర్భధారణ సమయంలో అధిక రక్తపోటు (Hypertension): మీరు తెలుసుకోవలసిన జాగ్రత్తలు

తీసుకోవలసిన జాగ్రత్తలు:

1. క్రమం తప్పకుండా పరీక్షలు: డాక్టర్ చెప్పిన సమయానికి స్కానింగ్ మరియు బిపి చెకప్ చేయించుకోవాలి. ఇంట్లో కూడా ఒక బిపి మెషిన్ ఉంచుకుని రోజుకు ఒకసారి చెక్ చేసుకోవడం మంచిది.

2. సరైన ఆహారం: పీచు పదార్థం (Fiber), ప్రోటీన్లు ఎక్కువగా ఉండే ఆహారం తీసుకోవాలి. తాజా పండ్లు, ఆకుకూరలు మీ డైట్‌లో ఉండాలి.

3. నీరు ఎక్కువగా త్రాగాలి: రోజుకు కనీసం 3-4 లీటర్ల నీరు త్రాగడం వల్ల శరీరంలోని అదనపు ఉప్పు బయటకు వెళ్లిపోతుంది.

4. నిద్ర మరియు విశ్రాంతి: గర్భిణీ స్త్రీలకు కనీసం 8 గంటల ప్రశాంతమైన నిద్ర అవసరం. ఇది బిపిని అదుపులో ఉంచుతుంది.

5. తేలికపాటి వ్యాయామం: డాక్టర్ సలహా మేరకు ప్రతిరోజూ 20-30 నిమిషాలు నడక లేదా యోగా చేయడం వల్ల రక్త ప్రసరణ మెరుగుపడుతుంది.

6. మందుల వాడకం: ఒకవేళ డాక్టర్ బిపి మందులు రాసి ఉంటే, వాటిని ఏ రోజూ మర్చిపోకుండా సరైన సమయానికి వేసుకోవాలి.

చేయకూడని పనులు :

1. ఉప్పు తగ్గించాలి: కూరల్లో ఉప్పు తగ్గించడంతో పాటు పచ్చళ్లు, అప్పడాలు, చిప్స్ వంటి నిల్వ పౌడర్లు, జంక్ ఫుడ్స్ అస్సలు తినకూడదు.

2. ఒత్తిడి (Stress): అనవసరమైన విషయాల గురించి ఆలోచించి కంగారు పడకండి. ఒత్తిడి బిపిని విపరీతంగా పెంచుతుంది.

3. స్వీయ వైద్యం (Self-Medication): తలనొప్పిగా ఉందని లేదా వేరే సమస్య ఉందని డాక్టర్ సలహా లేకుండా సొంతంగా ఏ మందులూ వాడకండి.

4. అలసట: ఎక్కువ సేపు నిలబడి పనులు చేయకండి. మధ్య మధ్యలో కూర్చుని విశ్రాంతి తీసుకోండి.

5. లక్షణాలను నిర్లక్ష్యం చేయవద్దు: కంటి చూపు మసకబారడం, తీవ్రమైన తలనొప్పి, కుడి వైపు కడుపులో నొప్పి లేదా బిడ్డ కదలికలు తగ్గడం వంటివి కనిపిస్తే వెంటనే హాస్పిటల్‌కు వెళ్లాలి.